Indi makapanubo sa local nga presyo sang baboy ang pag-ban sang Department of Agriculture sa importation.
Sa interview sang Bombo Radyo Bacolod kay Ric Lauron, Presidente sang Alliance of Hog Raisers Association of Negros Occidental (AHRANO), ginakalipay sang grupo ang deklarasyon sang banning sa importation sa karne sang baboy apang ginalantaw sang mga ini nga wala man ini sang dako nga epekto.
Suno kay Lauron, ang banning ang magaumpisa sa November 24 pa apang ginalantaw nga sa karun padayon sa gihapon ang pagpasulod sang imported nga karne sang baboy.
Dugang pa sini nga sa karun madamo pa ang supply kag ginalantaw nga magadugay pa ini tubtob sa holiday season.
Pahayag ni Lauron nga ini man ang rason nga wala man sang paghulag sa presyo sang live weight sa back yard.
Ginalantaw man sa tion nga matapos ang 60 days nga banning amo man ang pagkaubos sang supply sang imported nga karne sang baboy sa merkado.
Suno kay Lauron, mangin cycle na lamang ang matabo kag wala ini sang madulot nga maayo nga epekto sa back yard hog raisers.












