Gobyerno, target nga mapanubo ang gin-set nga taripa sang US sa mga produkto sang Pilipinas sa paghinun-anon ni PBBM kag US President Trump
-- ADVERTISEMENT --

Target sang gobyerno nga mapanubo ang gin-set nga taripa sang Estados Unidos sa mga produkto sang Pilipinas sa natalana nga paghinun-anon nanday President Ferdinand Marcos Jr. kag US President Donald Trump sa Miyerkules, Nobyembre 18.

Suno kay Trade Secretary Cristina Roque, kalakip sa mga nagapanguna nga talakayon sang duha ka lider ang 12.5 percent ​​nga taripa nga ginpatuman sang Washington sa mga produkto nga gina-export sang Pilipinas sa US.

Ginpahayag ni Roque nga luyag sang gobyerno nga mapanubo ang nasambit nga taripa agud mas mapasanyog ang exports sang pungsod indi lamang sa merkado sang Amerika kundi mangin sa iban pa nga global market.

Nauna na nga ginpaathag sang Estados Unidos nga isa sa mga basehan sang pagpatuman sang taripa amo ang gin-alegar kapaslawan sang Pilipinas sa pagpugong sa pagpasulod sang mga produkto nga resulta sang forced labor.

Angot diri, ginpahayag ni Roque nga napalab-ot na sa bahin sang Estados Unidos ang Joint Administrative Order (JAO) sang gobyerno nahanungod sa tikang sini sa nasambit nga isyu.

-- ADVERTISEMENT --

Nagalaum ang tiglikom nga mangin kabahin ini sang pagtalakay sa posible nga pagbag-o sa taripa.