Foreign Affairs Secretary Ma. Theresa Lazaro, wala naghatag sang komento tuhoy sa Pax Silica initiative sang US sa Pilipinas
-- ADVERTISEMENT --

Wala naghatag sang komento si Foreign Affairs Secretary Ma. Theresa Lazaro kahapon nahanungod sa agreement sa gin-proposed nga Pax Silica initiative, kag kun ini ang pagapirmahan kadungan sang pagbisita ni US President Donald Trump sa Pilipinas.

Suno kay Lazaro, ang iya mandato ang maghatag lamang sang pahayag sa kada adlaw nga meeting.

Ginpahayag naman sang US Ambassador to the Philippines nga si Lee Lipton nga wala pa sang schedule para sa pag-anunsyo sang Pax Silica sa ASEAN Summit.

Pila na ka mga protesta ang ginpatigayon sang mga progresibo nga grupo kasubong man sang mga estudyante gikan sa nagkalain-lain nga unibersidad batok sa nasambit nga inisyatiba antes pa ang pagkari ni Trump sa pungsod sa Nobyembre 17.

Gin-agda naman sang Malacañang ang mga estudyante nga magsumiter sang position paper kag italakay ang ila gusto ipalab-ot sa gobyerno nahanungod sa Pax Silica.

-- ADVERTISEMENT --

Isa man ka opisyal sa Department of Trade and Industry (DTI), ang nagsiling nga ang legal framework para sa Pax Silica ang ginalauman nga mapirmahan sang Pilipinas kag Estados Unidos antes magtakop ang tuig 2026.