Gin-athag ni Atty Caesar Distrito nga aggravating circumstance lamang ang pagpalagyo ni Alice Guo kag ini ang indi isa ka kaso.
Madumduman nga nadakpan si Guo sa isa ka apartment sa Tangerang City sa Indonesia sang Miyerkules kag ini ang ginpabalik sa Pilipinas kagab-i.
Suno kay Distrito, ang pagpalagyo ni Guo ang isa ka aggravating circumstance nga kun siya ginsintensyahan sang kaso, may penalidad diri nga iimpose sa iya.
Paathag sini, ang aggravating circumstance ang nagapabug-at sa penalidad nga paga-atubangon sang akusado samtang ang mitigating circumstance naman ang makapamag-an diri.
Sa bahin ni Guo, ang pagpalagyo sini ang makadugang sa pagpabug-at sa penalidad nga iya atubangon, apang wala sang kaso nga madagdag sa pagbiya sini sa Pilipinas.
