ACT-Negros, nagahulat sa tikang sang Dep-Ed kun kanselaron ang mga graduation ceremonies bangud sa COVID-19

Nagahulat lang ang Alliance of Concerned Teachers (ACT) Negros sa mangin tikang sang Department of Education (Dep-Ed) kun kanselaron na ang mga graduation ceremonies bangud sang coronavirus disease ukon Covid-19.

Sa interview kay ACT Negros President, Gualberto Dajao, isa ka importante nga hitabo sa kabuhi sang mga estudyante ang graduation bangud nga nagapatimaan ini sa pagsulod nila sa panibag-o na naman nga stage sang kabuhi.

Apang ginhatagan-pagtamod ni Dajao nga importante man nga unahon ang ikaayong lawas sang mga estudyante.

Gani sa karun, magahulat lamang sila sang desisyon sang Dep-Ed.