Gindeklarar sang House Committee on Justice nga “sufficient in substance” ang ikatatlo kag ikaapat nga impeachment complaint batok kay Vice President Sara Duterte.
Ini matapos makakuha sang 54 YES, 1 NO, at Zero abstention.
Kun sa diin si Quezon City Representative Jesus “Bong” Sutay lamang ang nagboto nga “NO.”
Ang desisyon ang nagaserbe nga giya para sa mas madalom nga pagtalakay sang mga alegasyon batok sa Bise Presidente.
Kalakip diri ang alegasyon sang plunder, graft, malversation of fund, kag pagpamahog sa pagpatay.
Sa pihak nga bahin, imbes nga tutukan ang hearing, si VP Sara ang nagtutok sa pagfile sang perjury case batok kay Ramil Madriaga sa Taguig City Prosecutor’s Office.
Suno diri, ginsulit sang Kamara ang taktika nga gingamit sa International Criminal Court batok kay former President Rodrigo Duterte, paagi sa pagpagwa sang testigo nga nagahimo-himo lamang sang estorya.
Pahayay ni VP Sara nga si Madriaga, nga may kaso nga kidnapping, ang nagpakuno-kuno nga campaign supporter antes naggwa bilang testigo sa iya impeachment case.
Madumduman nga sa alegasyon ni Madriaga, ginpahayag sini nga ang kampanya ni Duterte ang ginapondohan sang mga drug dealers kag Philippine Offshore Gaming Operators (POGOs).
Panindugan ni Duterte nga indi dapat tugutan ang padayun nga pag-into sa publiko paagi sa gin-imbento lamang nga estorya.
