Aegis, ginpanginwala nga buslan ni former The Voice Kids winner Lyca Gairanod ang ila nagtaliwan nga utod nga si Mercy Sunot

Ginpanginwala sang iconic OPM band nga Aegis ang nagagwa nga impormasyon na si anay “The Voice Kids” winner Lyca Gairanod ang maga-upod sa grupo bilang bulos sa nagtaliwan nila nga lead singer nga si Mercy Sunot.

Suno kay Juliet Sunot, wala sang igabulos kay Mercy bangud ang lead singer ang forever sa Aegis.

Sang Nobyembre 18 sang nagligad nga tuig sang gin-anunsiyo sang Aegis ang kamatayon ni Mercy.

Sa pihak sang kamatayon ni Mercy, magapadayon sa gihapon ang “Halik sa Ulan: A Valentine Special” sa Pebrero 1-2.

Magluwas sa ila classic hits kaangay sang “Halik”, “Sayang na Sayang” kag “Luha”, ipagwa man sang banda ang ila bag-o nga kanta sa concert bilang tribute kay Mercy.

Kabahin sang proceeds sa mga shows ang makadto sa pamilya ni Mercy.