Nagtaliwan na si Mercy Sunot, isa sa mga singers sang Filipino rock band nga Aegis subong nga aga.
Ini ang ginkumpirmar sa facebook page sang banda kun sa diin ginpahayag sang mga ini nga maisog nga ginbatuan ni Mercy ang cancer, apang siya ang ginpapahuway na.
Madumduman nga si Mercy, upod ang iya mga utod nga sanday Juliet kag Ken ang nakilala sa ila mabaskog nga vocals sa makatalandog balatyagon nga emosyon kag lyrics sang ila nga mga ambahanon.
Kalakip sa mga top hits sang banda ang “Luha,” “Basang-basa Sa Ulan,” “Halik,” kag “Sinta.”
Sang Sabado, si Mercy ang nagpost pa sang video sa Tiktok nga nagapakita nga siya ang nagpaidalom sa lung operation.
Sa video nga ginfilm sa intensive care unit, ginpahayag sini nga siya ang nabudlayan magginhawa kasunod sang operasyon, kag natukiban sang mga doktor nga may tubig kag inflammatiom sa iya nga baga.
Siya ang ginhatagan sang steriods kag ini ang nagpangayo pa sang pagpangamuyo nga matapos na ang iya ginapangatubang nga kabudlayan.
Nahibaluan nga ang singer ang pito ka bulan na nga yara sa Estados Unidos agud magpaidalom sa treatment sa ginasuprer sini nga Stage 3 breast cancer kag lung cancer.
Pahayag sang singer nga maayo man ang pagresponder sang iya lawas sa chemotherapy kag ini ang nakatambong pa sa show sang singer nga si Eva Eugenio sang Nobyembre 8.
Ang singer ang nagtaliwan sa edad nga 48, kaina sang aga samtang yara sa Stanford Hospital and Clinics in San Francisco, California.
