Liwat nga nanindugan ang Armed Forces of the Philippines (AFP) nga ipadayon nila ang ila mga nasuguran nga pagpatrolya sa West Philippine Sea (WPS) apisar sa mga kritisismo sang China.
Suno kay AFP Spokesperson for the West Philippine Sea, Rear Admiral Roy Vincent Trinidad, ang mga pahayag sang Chinese Communist Party ang nangin rason sang “instability” sa WPS, nga kabahin sang exclusive economic zone (EEZ) sang Pilipinas.
Suno diri, ang ila ginapatigayon nga training sa Bajo de Masinloc nga kabahin sang WPS ang aprubado, duly coordinated, scheduled kag nakasunod sa agreement kag mga layi.
Dugang pa ni Trinidad, ang mga pattern sang unlawful actions halin sa China ang nagapakita sang paglapas sa iban pa nga estado sang Southeast Asia kag mangin sa international law.
Kabahin sa mga ginahimo sang China amo ang ilegal nga pagpatrolya sa WPS kag ang ginapahayag nga pagpatigayon sang training sa Bajo de Masinloc nga wala sang husto nga basehan kag wala nagasunod sa mga layi.
Samtang, nagpatigayon naman sang ila naval kag air patrols ang China sa nasambit nga territorial waters humalin sang Lunes tubtob Biyernes subong nga semana.
Ginpaathag naman ni Trinidad nga ang amo nga mga aktibidad ang wala sang koordinasyon kag indi suportado sang international laws.
