Nagdangat na sa masobra 100 ka mga aftershocks ang na-record sa southwest nga bahin sang Kyushu, Japan matapos gintay-og sang magnitude 7.1 nga linog nga nag-igo sa Kumamoto Prefecture sang Martes, nga nagresulta sa kamatayon sang 13 ka mga indibidwal.
Padayon ang search and rescue operations sa mga natiphag kag narumpag nga mga istraktura, kalakip ang isa ka paper factory kag shopping mall sa diin tatlo ang ginbawian sang kabuhi matapos may nagluntad nga paglupok samtang tatlo pa ka tawo ang missing.
Suno kay Japanese Prime Minister Sanae Takaichi, kritikal ang kada oras sa pagluwas sa mga posible nga na-trap pa sa mga debris.
Kapin 4,600 rescue personnel ang ginpadala sa mga apektado nga lugar, samtang linibo naman ka residente ang nagpabilin sa evacuation centers kag madamo pa gihapon sang wala pa kuryente.
Nagpaandam naman ang Japan Meteorological Agency nga posible nga may masunod pa nga mga mabaskog nga aftershocks sa madason nga mga inadlaw.
