May yara sang ginbutang nga airconditioned-tent sa gwa sang emergency room ang pamunuan sang Corazon Locsin Montelibano Memorial Regional Hospital (CLMMRH) agud butangan sang mga nagapacheck up sa nasambit nga ospital.
Sa interview sang Bombo Radyo Bacolod kay Dr. Julius Drilon, medical center chief sang CLMMRH, ginpahayag sini nga indi makasulod ang pasyente sa ospital kun ini ang indi mag-agi sa air conditioned tent bangud ang tanan nga pasyente ang kinahanglan nga mag-agi diri agud macheck-up.
Suno diri, indi tanan nga person under investigation sa coronavirus disease 2019 (COVID-19) ang igaadmit sang ospital bangud posible nga maubos ang ila nga pasilidad kag mahimo nga isakripisyo sang ospital 99 percent sang iban nga masakit nga kinahanglan nga iadmit diri kaangay sang heart attack kag stroke patients.
Suno kay Drilon, indi tanan nga PUI’s ang iadmit sa ospital magluwas na lamang sang may sintomas sang pneumonia.
