Naka Full Alert Status ang Regional Explosive Ordnance Disposal and Canine Unit (RECU) sang Negros Island Region sa pagtsekyar sa mga port kag bus terminals para sa mas hugot nga seguridad sa subong nga Semana Santa.
Sa interview sang Bombo Radyo kay Police Captain Jester Minguez, Assistant Chief sang Regional EOD and Canine Unit, nagapatigayon sila sang panelling operation kag police visibility sa pila ka mga pantalan kag mga transport terminals agud masiguro ang seguridad sang mga pasahero nga ginpaabot nga magadamo pa gid.
Suno kay Minguez, antes paman nag-abot ang mga pasahero nakatsekyar na sila ports kag terminals kag naghatag na man sila sang mga instruction kag phone number sa mga guards kun ano ang dapat himuon sa mga emerhensiya nga sitwasyon.
Suno diri, may deployment plan sila para sa mga simbahan partikular na sa San Sebastian Cathedral nga lauman pagadagsaon sang mga sumilimba.
Suno diri, amat-amat na nga nagadamo ang mga nagabiyahe papuli.
Sa karun, pahayan ni Minguez nga nangin matawhay kag wala sila sang may nabaton nga report nga insidente.
