Gin-athag ni Albay Representative Edcel Lagman nga ang Liberal Party ang nagapabilin nga matuod-tuod nga opposition apisar sang pila ka mga pahayag nga si Vice President Sara Duterte ang dapat mangin leader sang opposition matapos ini nagresign sa Gabinete ni Presidente Ferdinand Marcos Jr.
Suno sa Presidente sang Liberal Party, sarang nga maka-assume sang liderato sang partisan opposition si Vice President Duterte batok sa Marcos administration apang ang LP ang nagapabilin nga ideological kag conscientious opposition lunsay sa administrasyon sa karun kag sa breakaway power bloc ni Duterte.
Sang Miyerkules, ginpahayag sang tagpamaba sang anay administrasyon nga si Harry Roque nga si Duterte na sa karun ang leader sang opposition matapos ang ginaalegar pagbulagay sang Marcos-Duterte alliance nga ginkilala bilang Uniteam.
Apang wala diri nagapati si Lagman kag gin-athag nga ang Liberal Party ang magapadayon sa mga prinsipyo sini sa maayo nga governance, participatory democracy, constitutionalism, human rights protection, kag anti-authoritarian rule, nga lunsay wala sa track record sang mga lideres sang Uniteam.
