Magafile sang kaso nga money laundering ang mga ahensya sang gobyerno batok kay dismissed Bamban Mayor Alice Guo, Cassandra Ong kag mga incorporatos sang nagkalain-lain nga POGO firms sa Department of Justice.
Kabug-usan nga 35 ka mga respondents ang nalakip sa complaint nga ginfile sang National Bureau of Investigation, Presidential Anti-Organized Crime Commission kag Anti-Money Laundering Council.
Suno sa ahensya, natukiban nga si Guo kag ang mga incorporators sang Hongsheng Gaming Technology, Baofu Land Development Inc kag Zun Yuan Technology Inc. ang nakigbahin sa pagtransfer sang mga pondo nagikan sa ginaalegar fraudulent sources.
Ang imbestigasyon ang nagacover sang binilyon ka pesos nga balor sang transactions sa bank accounts kag assets ni Guo humalin 2019 tubtob 2024.
Ini ang ginalakipan sang bank accounts kag mga propedad sang iya pamilya, mga POGO companies kag ila bank accounts kag ang ginaalegar shell companies nga naangot sa mga ini.
