Naghatag sang pila ka mga detalye si dismissed Bamban, Tarlac Mayor Alice Guo sa mga Senador natuhoy sa iya pagpalagyo sa Pilipinas sang Hulyo lakip na ang mga indibidwal nga ginaalegar nag-initiate kag nagfacilitate sini.
Si Guo, nga nag-atubang sa imbestigasyon sang Senate Committee on Women, ang nakumbinsi sang mga Senador nga ipakigbahin privately paagi sa pagsulat sang pangalan sang persona nga nag-organisa sang iya sekreto nga pagbiya.
Wala nalang ginreveal sang mga Senador sa publiko ang identity sang nasambit nga persona.
Suno kay Guo, ang nasambit nga persona ang nag-initiate sang pagpalagyo sini, siya ang nagdesisyon para sa iya kag nagpasugot ini bangud may nagakabatian ini nga mga pagpamahog.
Ginkumpirmar man sini ang una nga statement sang iya utod nga si Shiela nga sila ang nagbiya sa Pilipinas paagi sa asod-asod nga sea trips.
Suno sa iya, sila ang nagsakay sang yate apang wala ini nakahibalo kun sin-o ang nagapanag-iya sini.
Ang iya mga kaupod amu sanday Shiela, Wesley kag isa ka Asian nga babaye nga nagahambal lamang sang English.
Dugang pa sini nga ginkumpiskar ang ila mga cellphones antes ang trip nga nagdugay sang tatlo tubtob lima ka adlaw.
Sa tunga-tunga sang ila journey, ginpahayag sini nga siya ang naghinulsol sang iya desisyon nga magpalagyo.
Ginpanginwala man sini nga may Filipino nga nagbulig sa ila pagpalagyo.
