Natalana nga magfile ang Department of Justice sang isa ka qualified human trafficking nga kaso subong nga semana batok kay former Bamban, Tarlac Mayor Alice Guo kag sa ginaalegar mga business partners sini.
Nalakip sa mga ginkasuhan ang ginaalegar “big boss” sang POGO nga si Huang Zhiyang.
Ang ini nga development ang matapos ang approval sang Korte Suprema sa request sang DOJ nga itransfer ang hearing nagikan sa Regional Trial Court (RTC) Branch 66 sang Capas, Tarlac sa Pasig Regional Trial Court.
Suno kay DOJ Undersecretary Nicholas Felix Ty, head sang Inter-Agency Council Against Trafficking, ang main factor diri amu si Mayor Alice Guo kag ang iya mga kaupdanan kag mga korporasyon.
Tatlo ini ka korporasyon nga ginalakipan sang Baofu, Hongsheng, kag Zun Yuan.
Bangud sa maathag nga ebidensya nga nagapakig-angot sila agud mapalapta ang kriminal nga mga buluhaton sang POGO, ginahingyo sa Korte Suprema nga sayluhon ang kaso sa mas neutral ground.
Kampante naman ang Justice Department nga nakakita sang supisyente nga ebidensya sa mga respondents nga maga-lead sa pagpadayon sang kaso.
