Ginkumpirmar ni Senator Risa Hontiveros nga nakakuha sila sang impormasyon nga nakagwa na sa Pilipinas si former Bamban Tarlac Mayor Alice Guo ukon Guo Hua Ping.
Ini ang gin-anunsyar nu Hontiveros matapos sini mavalidate ang impormasyon.
Suno diri, nagsulod sa Kuala Lumpur, Malaysia si Guo sang Hulyo 18.
Nagpadulong ini sa Singapore pagkatapos agud makigkita sa iya amay, iloy nga Chinese kag utod nga si Wesley, nga nagbyahe padulong didto nagikan sa China.
Ginaalegar nga naggamit si Guo sang isa ka Philippine passport sang nagbiya ini sa Manila sang Hulyo 18, 2024 paagi sa Batik Air kag nagland sa kaangay nga adlaw sa Kuala Lumpur.
Sang Hulyo 21, nagsakay ini sa Jetstar Asia Airways flight kag nagland sa Singapore kun sa diin ini nagtinir tubtob Agosto 18.
Sa kaangay nga adlaw, nagsakay ini sa isa ka ferry padulong sa Riau, Indonesia.
Ginpahayag naman sang Bureau of Immigration (BI) sang Lunes nga nakabaton ini sang impormasyon nga si Guo ang illegal nga nagbiya sa pungsod kag wala nag-agi sa Philippine immigration authorities.
