Alkalde sa Cauayan, luyag nga madeklarar nga “persona non grata” sa ila banwa ang mga NPA

Makighinun-anon ang alkalde sa banwa sang Cauayan, Negros Occidental sa Sangguniang Bayan Member sa pag-release sang resolution sa pagdeklarar nga “persona non grata” sa mga New People’s Army sa ila nga banwa kasunod sa nagluntad nga engkwentro.

Kun sa diin lima ka mga miyembro sang South West Front sang NPA ang napatay sa engkwentro batok sa tropa sang 15th Infantry Batallion sang Philippine Army.

Lakip sa mga napatay sanday Jobert Casipong, residente sang ciudad sang Sipalay, Negros Occidental.; Gilbert Tingson, residente sang Sipalay City, Negros Occidental; Rolando Dantes Jr., Commanding Officer, Southwest Front-D residente sang Sipalay City, kag Barangay Camalanda-an, Cauayan; Alex Chavez Languita, kag Francis Vince Dingding – Political Instructor kag residente sang Capitol Site Poblacion, Cebu City.

Sa interview sang Bombo Radyo kay Cauayan Municipal Mayor John Rey Tabujara, may na isyu na nga resolution ang Sangguaniang Member sang 2024 sa pagdeklarar nga persona non grata sa mga NPA sa lugar paagi sa pakigkoordinar sa Armed Forces of thr Philippines kag Philippine Army.

Nagalaum ang Alkalde nga ini ang ila nga ma-retreive bangud may record naman sa sangguniang kag suno diri ang i-refresh nalang liwat ang resulotion.

Suno diri, apisar nga ideklarar nga persona non grata ang mga NPA sa lugar indi sa gihapon sila mabantayan bangud indi man mahibaluan kun diin sila nagalabay.

Pahayag sini nga nakadepende sa gihapon sa mga pumuluyo nga magpahibalo sa mga otoridad nga may presensya sang makawala nga lugar.

Suno kay Tabujara, nakapauli na ang mga evacuees kahapon kag padayon man ang pagmonitor sang mga otoridad sa mga pumuluyo.

Paathag sini, ini nga tikang ang mangin maayu para sa mga pumuluyo agud wala na sang utod, bata, amay nga madulaan sang kabuhi ukon pamilya nga mabyaan sang ila pinalangga.