Natumod na ang tanan nga napatay sa engkwentro nga nagluntad sa tunga sang South West Front D sang New People’s Army kag katapo sang 15th Infantry Battalion sang Philippine Army, sa Brgy Abaca kag Brgy Poblacion, Cauayan, Negros Occidental, kahapon sang aga, Mayo 16.
Kahapon, gin-retrieve na ang ang mga bangkay sang New People’s Army (NPA) nga napatay matapos ang nagluntad nga engkwentro.
Sa interview sang Bombo Radyo kay Lt Col. Robert Maduli, Commander sang 15th Infantry Batallion, Philippine Army, una nila nga nakilala sanday Rolando Dantes Jr alyas Anio, residente sang Sitio Luoc, Barangay Camindangan, Sipalay City kag siya ang commanding officer sang South-West Front; Joebert Casipong, alyas John, kag Gilbert Tingson, alyas Ryan ukon Alyas Kulintong lunsay mga residente sang Sitio Lower Cabilucan, Barangay Camindangan, Sipalay City.
Suno kay Maduli, ang tatlo ang nakilala bangud may yara sang former rebels nga nakakilala sa ila.
Suno pa diri, may yara sang isa ka suldado kag isa ka miyembro sang NPA nga napilasan sa engkwentro
Ang suldado ang nakaangkon sang kibyas sa liog kag sa karun yara na sa maayo nga kahimtangan samtang ang rebelde naman nga si alyas John Rey ang nakaangkon sang pilas sa paa kag sa buli kun sa diin gindala sa Cauayan District Hospital.
Samtang sa latest update nakilala na ang lima nga sanday Rolando Dantes Jr. alias “Mistah,” “Ana,” “Anyo,” “Arnel,” ukon “Roman” – Commanding Officer, Southwest Front-D, Komiteng Rehiyon-Negros (KR-N) (PSRL), residente sang Sipalay City, kag Barangay Camalanda-an, Cauayan; Francis Vince Yncierto Dingding – Political Instructor, Southeast Front-D, residente sang Capitol Site Poblacion, Cebu City; Jobert Casipong alias “John,” “Ruby,” ukon“Ramram” – Member sang Southwest Front-D, residente sang ciudad sang Sipalay, Negros Occidental; Gilbert Tingson alias “Ryan” ukon “Kolintong” – Member sang Southwest Front-D, residente sang Sipalay City, Negros Occidental; kag Alex Chavez Languita alias “Axel” – Member sang Southeast Front-D, residente sang GK, Barangay Kabulakan, Santa Catalina.
