Nagahingyo ang alkalde sang ciudad sang San Carlos sa mga taga-isla sang Cebu nga indi lang anay magtabok sa ila ciudad kag patihon ang mga direktiba tuhoy sa pagdumili sa pagbyahe.
Madumduman nga na-intercept sang San Carlos City Police Station ang isa ka babayi nagikan sa Cebu nga nagtabok sa ciudad sang San Carlos kag nagpa-rebond sang buhok sang Sabado, Hulyo 4.
Pag-abot sa ciudad, nagpa-rebond ini gilayon.
Gin-quarantine na kag natalana nga ipaidalom sa RT-PCR test ang amo nga babayi kag ang lalaki.
Lakip man sa gin-quarantine kag inug-swab test ang operator sang pumpboat.
Sa interview sang Bombo Radyo kay Mayor Renato Gustilo, ginpahayag sini nga nagikan sa Cebu, sarang nga makapadulong sa San Carlos City ang isa ka persona 30 tubtob 40 minutos lang kun magsakay sa pumpboat gani naghingyo ini sa mga Cebuano nga indi lang anay magtabok ilabi na nga may yara sang travel restrictions.
Suno kay Gustilo, madamo sang mga tumandok sang San Carlos nga naga-ubra sang Cebu apang bangud sa nagadamo nga kaso sang COVID sa lugar, madamo sa mga ini ang luyag nanga magpauli.
Suno sa iya, wala gid sang problema kun magpauli ang mga locally stranded individuals bangud preparado man ang ila mga quarantine facilities.
Suno sa iya, may yara sang duha ka mga eskwelahan, isa ka evacuation center kag ginapahimo nga quarantine area para sa mga PUM ang ciudad.
Suno diri, nagabantay man sa ila mga baybayon ang Philippine Coast Guard kag Bantay Dagat, may gindesignar man nga nagabantay sa checkpoint samtang mga pulis ang na-assign sa mga quarantine facility.
