Magahatag ang alkalde sang ciudad sang Silay sang reward sa makatudlo sa mga nagkawat sang painting nga ‘Mango Harvesters’ sang national artist nga si Fernando Amorsolo nga naka-display sa Hofileña Heritage House and Museum sa ciudad sang Silay sadtong pasado Hulyo 3, sang aga.
Sa interview sang Bombo Radyo Bacolod kay Silay City Mayor Joedith Gallego, padayon ang pagfollow up sang mga kapulisan sa kaso agud nga matumod kun sin o ang responsable sa pagkuha sang nasambit nga painting.
Ginpahayag ni Gallego nga may yara ini sang gintanyag nga P25,000 para sa makatumod kag makatudlo sa nagkawat sang antigo nga painting.
Indi man mapat-od kun ang nagkawat ang nagikan man sa ciudad sang Silay bangud nagsakay man ang mga ini sa salakyan matapos makuha ang painting sang national artist.
Ginpahayag man sang alkalde nga ang painting ang kabahin sang pribado nga collections.
May yara naman sang ginalantaw nga mga suspek ang mga kapulisan sa nagkawat sang painting.
Nagpanugyan man si Gallego sa mga nagabantay sa mga heritage houses kag museum sa ciudad nga mag-aligmat kag dapat siguruhon nga nagaandar nang CCTV agud nga mahapos lamang ang pagtrace sang mga nagasulod kag ga gwa sa lugar.
