Tuman ang paghinulsol sang amay matapos sini mapatay ang 17 anyos niya nga bata nga babayi sa Fortuneville Subd., Brgy. Rizal, Sagay City, Negros Occidental, kahapon, Marso 9, 2026.
Ang biktima ang ginkilala nga si Precious Herry Balicuatro, 17 anyos; samtang ang suspek amo si Joedin Braza, 41 anyos, kasado, tricycle driver, kag lunsay residente sa lugar.
Sa exclusive interview sang Bombo Radyo Bacolod kay Joeding Braza, nagahinulsol ini sa iya nahimo.
Suno kay Braza, wala na sini napunggan ang iya kaugalingon nga masakit kag mapatay ang iya bata bangud sa pagsabat-sabat sa iya kag sa mga ginbuy-an sini nga indi maayo nga mga tinaga.
Sa alegasyon sang amay, ginsaway lamang ginasaway lamang niya ang iya bata, apang ini ang nagabato.
Pahayag sang amay nga ginhambalan siya sang biktima nga wala sang pulos kag nami patyon.
Suno kay Braza, madugay naman sila nga nagasabtanay sang iya bata, apang kahapon lamang wal nakapugong bangod sa kaakig.
Ang suspek kag ang iloy sang bata ang nagbulagay na, kun sa diin ang dalagita ang nagdako sa Cebu sa puder sang iya iloy.
Suno sa amay, tatlo pa lang sila ka-tuig nga updanay sang biktima.
