Pilason ang amay matapos ng ginlabo sang kaugalingon anak sa Sitio Calumpang, Barangay Poblacion, Cauayan, Negros Occidental sang Hulyo 31 sang hapon.
Ang biktima ang isa ka 75 anyos nga amay samtang ang suspek ang ginkilala kay alyas Ju, 45 anyos nga anak kag residente sang nasambit nga lugar.
Sa interview sang Bombo Radyo Bacolod kay Police Lt. Col. Lowell Garinganao, Chief of Police sang Cauayan Municipal Police Station, ang mag-amay ang nagainum sang makahulubog nga ilimnon sang nagluntad ang pagbinaisay nga nagresulta paglainay sang buot.
Ginkuha sang anak ang espading kag ginlabo ang amay.
Suno kay Garinganao, nakaagom ang amay sang pilas sang guya kag likod samtang napilasan man sa tiil ang anak matapos nga maagaw sini ang espading.
Gilayon man nga nagpalagyo ang suspek matapos ang pagpanglabo.
Sa karun estable na ang sitwasyon sang amay samtang ginapangita pa ang suspetsado.
Nagpanugyan si Garinganao nga sa tion nga maginum sang makahulubog nga ilimnon ibutang sa tiyan kag indi sa ulo agud malikawan ang pagluntad sang krimen.
