Padayon ang impeachment hearing batok kay Vice President Sara Duterte nga natalana sa Abril 14 matapos nga wala nagpagwa sang Temporary Restraining Order (TRO) ang Korte Suprema suno kay House Committee on Justice chair kag Batangas Rep. Gerville Luistro.
Suno diri, nagapanindugan ang komitiba nga ang hearing sang House Committee on Justice ang nakabase sa Konstitusyon kag hugot nga ginasunod sang panel ang mga pagsulundan sang Kamara, layi, kag mga desisyon sang Korte Suprema.
Ginpasiguro man ni Luistro nga mangin patas ang ipatigayon nga hearing.
Ginbatikos man ni Luistro ang mga isyu nga ginpahayag sang kampo sang bise presidente kag ginlaragway ini bilang mga teknikalidad lamang.
Suno diri, ginsiguro sang Justice panel nga sila ang nagasunod gid sang mga limistasyon nga ginatalana sang layi, partikular na ang one-year bar rule.
Ginpahayag ni Luistro nga ginalauman man nila ang mga legal nga tikang nga himuon sang kampo ni Duterte, apang kumpiyansa ini nga magapangibabaw gid ang kamatuoran.
