America kag Cuba, nagahimo na sang kasugtanan matapos sang pagpamahog ni US President Donald Trump nga pagpataas sang taripa

Naganegosyar na ang Washington sa liderato sang Havana, Cuba para sa paghimo sang isa ka kasugtanan, pila ka adlaw matapos nagpamahog si US President Donald Trump sang pagtay-og sang ekonomiya pinaagi sa isa ka virtual oil blockade.

Suno kay Trump, isa ka kapaslawan nga pungsod ang Cuba.

Pahayag niya, madugay na ini apang subong, wala na ang Venezuela nga magpangapin diri.

Bangud sini, nagapakig-angut na sia sa matag-as nga lider sang pungsod.

Wala na ini naghatag sang indikasyon kun ano nga deal ang iya ginanegosyar.

Sang nagligad nga semana, ginpirmahan sang Republican president ang executive order nga nagapamahog nga magpatuman sang dugang nga taripa sa mga pungsod nga nagabaligya sang langis sa Cuba.