Tuman ang kakulba sang tanan nga nakita sang ginpuluputan sang isa ka dako nga anaconda ang isa ka lalaki sa Tera Santa, Brazil.
Ginreport sang mga nakasaksi nga naglumpat ang lalaki sa suba agud punggan ang man-og nga posible mag-atake sa mga kabataan nga nagahampang sa suba.
Nakalampuwas ang mga kabataan, apang yara sa katalagman ang kabuhi sang tawo.
Wala gilayon nga nabuy-an sang tawo ang man-og, gani nagsugod ini sa pagkagat kag pulupot sang iya kamot.
Bisan ang mga nagbulig sa pagkuha sini nabudlayan bangud hugot nga nagpulupot ang man-og sa kamot sang tawo.
Apang ang tawo may ginhimo nga ginkatingalahan sang tanan.
Ginkagat niya ang anaconda nga sang ulihi nagbuya man.
Ang green anaconda mahimo maglab-ot sa kalabaon nga 20 ka tapak kag magbug-at sing 550 pounds.
Sa mahibaluan ang kagat sang anaconda indi makahililo, apang ginagamit nila ang ila lawas sa pagputos sa ila mga biktima tubtob nga indi na makaginhawa, antes sila lamunon sing bug-os.
