Patay ang anay miyembro sang Citizen Armed Force Geographical Unit (CAFGU) matapos ginpaarakan sang luthang sa sulod sang iya balay sa Sitio Ban-ban, Barangay Bucalan, Canlaon City, Negros Oriental sang Miyerkules, alas-8:00 sang gab-i.
Ang biktima ang ginkilala nga si Jerome Calderon, 32 anyos, former CAFGU member kag residente sang nasambit nga lugar.
Suno sa Canlaon City Police Station, nagaluto sang panlanyaponon si Calderon kaupod ang iya bata nga babayi sang nag-abot ang wala makilal-an nga suspek nga gilayon siya gintiro.
Suno diri, naggamit sang M16 rifle ang suspect kun sa diin nag-agom sang igo si Calderon sa nagkalain-lain nga bahin sang iya lawas nga nagresulta sang iya kamatayon.
Gilayon naman nga nalagyo ang suspek kag may ginapatigayon na nga hot pursuit operation.
