Isa ka bugaw ang anay drug surrenderee nga naaresto sa buybust operation sang Police Station 9 sa Purok Seawall, Brgy. Punta Taytay.
Madumduman nga ala-1:00 sang kaagahon sang Enero 1 sang ginpatigayon ang buybust batok kay Ryan Carnecer alyas Bay, 35-anyos kun sa diin nakuha sa paghinakop sini ang tatlo ka sang suspected shabu lakip na ang buybust item.
Ginabanta nga nagabalor ini sang P20,000.
Si Carnecer ang anay drug surrenderee sa Brgy. Old Poblacion, Escalante City.
Nakahunong na karun ang suspetsado sa Police Station 9.
Sa interview sa commander sang Police Station 9 nga si Police Lt. Jonito Pastrana, naga-operate si Carnecer sa Goldenfield kag Punta Taytay kag kalabanan sang mga kustomer sini ang mga prostitute.
Suno kay Pastrana, isa man ka bugaw si Carnecer.
Nahisayran man nga duha katuig nga napriso si Carnecer sa kaso sa iligal nga druga apang nag-avail ini sang plea bargaining agreement kag suno kay Pastrana, nagbalik naman sa iligal nga buluhaton.
