Arestado ang anay miyembro sang Bureau of Jail Management and Penology sa drug buybust operation nga ginpatigayon sang Philippine Drug Enforcement Agency sa Henrieta Subdivision sa Barangay Singcang Bacolod City kagab-i.
Sa interview sang Bombo kay Agent Bamboo, team leader sa ginpatigayon nga buybust operation, ginkilala ang suspetsado kay Trisha Castillo Galicia kag residente sang Barangay Handumanan, Bacolod City.
Nakuha sa paghinakop sini ang lima tanan ka sachets sang suspected shabu nga ginabanta nagabug-at sang 25 gramos kag nagabalor sang P170,000.
Suno kay Agent Bamboo, madugay na nila nga ginasurveillance ang suspetsado kag kahapon natigayon ang buybust operation.
Nagagwa sa monitoring sang PDEA nga si Galicia ang miyembro sang Jovy Vargas Drug Group.
Si Galicia ang isa na ka tuig nga nag-absent without official leave sa BJMP.
Sa karun nakahunong ang suspetsado kag nagapangatubang sang kaso nga paglapas sang RA 9165 ukon Comprehensive Dangerous Drugs Act of 2002.
