Ginbawian sang kabuhi ang 29 anyos nga babayi nga ginluthang sa Brgy. Banago, Bacolod City kagab-i.
Sa interview sang Bombo Radyo Bacolod kay Police Captain Rosalino Pugoy, officer in charge sang Bacolod Police Station 3, may ara na sila sang duha ka persons of interest sa pagpangluthang.
Nahibaluan nga natabo ang krimen pasado alas-6:00 kagab-i samtang sakay sa tricycle ang biktima nga gikan sa Bata Flyover padulong sa Punong Banago.
Ang 29 anyos nga biktima ang residente man sa nasambit nga Barangay.
Pahayag sini nga may mga witness nga nakakita sa duha ka suspetsado nga sakay sa motorsiklo.
Ang biktima ang nag-agom sang igo sang bala sa likod, kag ini ang napatay sa ospital alas-10:40 kagab-i.
Suno kay Pugoy, sa ila nga inisyal nga imbestigasyon, ginapahayag nga ang biktima ang naga-engage sa illegal nga droga.
Apang ini ang wala sa listahan sang Barangay Anti-Drugs Abuse Council (BADAC).
Luwas sa kaangtaan sa illegal nga droga, ginalantaw man nila ang iban pa nga mahimo motiba, kaangay sang mga pag-ilinaway.
Ginatsekyar man sang kapulisan kun may-ara sang mga CCTV footage nga mahimo makabulig sa imbestigasyon.
