Nadakpan sa hot pursuit operation ang anay security guard nga nagtiro sa 29 anyos nga lalaki sa Purok 9, Barangay Minoyan, Murcia, Negros Occidental, sang Sabado sang gab-i.
Ang biktima ang ginkilala nga si Alias Romnick, 29 years old samtang ang suspek naman ginkilala nga si Jilon Escalona, 28 anyos, kag residente sang Purok 1, Barangay Minoyan, Murcia.
Sa interview sang Bombo Radyo Bacolod kay Police Captain Honey Labaro, hepe sang Murcia Municipal Police Station, may natabo nga indi pag-intindihanay sa tunga sang duha tubtob nga naggabot sang armas-luthang si Escalona kag ginluthang si Romnick.
Suno diri, pag-abot sang kapulisan sa area, nakapalagyo na ang suspek apang sa nadakpan ini paagi sa hot pursuit operation sa Purok ADC, Barangay Mailum, Bago City, Negros Occidental.
Nakumpiskar kay Escalona ang isa ka unit sang Caliber .45 pistol, isa ka magazine sang Caliber .45 nga loaded sang tatlo ka live ammunition kag isa ka empty magazine sang Caliber .45.
