Ginalauman sang aktres nga si Angelina Jolie nga bukas ang pagbaton sang mga tagasuporta sa desisyon sang iya mga kabataan nga kakason ang apelyido sang ila amay nga si Brad Pitt sa ila mga pangalan.
Kadungan ini sang iya pagbuyagyag nga ang iya agot nga bata ang nagdesisyon naman nga magsunod sa iya tatlo ka mga utod nga ilisan ang apelyido sini.
Santo sa mga report, nagfile sang petition ang agot nga bata ni Angelina nga si Vivienne sang Hulyo 21 agud legal nga baylohan ang iya pangalan sa ‘Vivienne Marcheline Jolie’.
Antes si Viviene, nauna na nga nagfile sang petisyon ang mga utod sini nga sanday Maddox, Zahara, kag Shiloh, agud kakason ang apelyido nga “Pitt” sa ila mga pangalan.
Gin-aprubahan ang pangabay ni Shiloh sang Agosto 2024, samtang ginahulat pa ang resulta sang mga petisyon nanday Zahara kag Maddox.
Natalana naman ang hearing sang petisyon ni Vivienne sa Nobyembre 2.
Madumduman nga nagbulagay kag nagfile sang divorce si Angelina Jolie kay Brad Pitt sang 2016, matapos ang duha ka tuig bilang mag-asawa kag relasyon nga nag-umpisa pa sadtong 2005.
