Animal Welfare Ordinance, napasar na sa 3rd and final reading sa City Council sang Bacolod City

Napasar na sa 3rd and final reading sa Sangguniang Panlungsod sa ciudad sang Bacolod ang Animal Welfare Ordinance.

Suno kay Councilor Celia Flor nga amo ang nag-author sang ordinansa, nakasaad sa ordinansa ang mando sa 61 ka mga Barangay nga magtukod sang animal welfare desk.

Suno diri, madamo sang mga reklamo angot sa mga sapat nga ginasakit kaangay sang ido, kuring kag iban pa.

Bangod nga madamo sa mga tawo ang wala nakahibalo kun diin mapadulong kun may magluntad sang amo nga kaso, nagdesisyon ang konsehal nga mag-author sang ordinansa para diri.

May yara sang officer nga magapungko sa lamesa kag magabaton sang report kag amo nga ipadangat sa City Veterinary Office ang kaso.