Imbes nga madamo nga handa ang makit-an sa lamesa, mga rootcrops kaangay sang kamote naman ang ginahanda sa Papua New Guinea sa adlaw sang paskwa.
Sa interview sang Bombo Radyo kay Maria Resca Regalado, Bombo International News Correspondent derekta sa Papua New Guinea, yara ini sa highlands province kun sa diin wala maayo ginaselebrar ang Christmas bangod kalabanan didto ang nagatrabaho sa bukid kag wala gid man sang ikasarang.
Suno diri, kun sa Pilipinas ang handa sa lamesa amo ang lechon, salad, ham kag iban pa, sa ila naman kalabanan kamote ang ginahanda kag wala sang dalagko nga pagtililipon.
Pahayag ni Regalado, tuig 2019 pa ini ulihi nakaselebrar sang paskwa sa Pilipinas kag sa karun nahidlaw na gid ini nga liwat nga mabatyagan ang paskwa kaupod ang pamilya.
