Anum ka mga Local Government Units sa 5th District Negros Occidental ang apektado sa padayon nga pagduging sang Red-Striped Soft Scale Insect (RSSI).
Nahibaluan nga as of June 11, yara na sa masobra 4,600 hectares ang reported nga halit sang RSSI kag halos kada semana nagasaka ang report sang apektado nga pananom.
Sa interview sang Bombo Radyo kay 5th District Negros Occidental Congressman Atty. Dino Yulo, lakip sa mga apektado nga LGU ang banwa sang Binalbagan, Hinigaran, Isabela, La Castellana, Moises Padilla kag Himamalaylan City.
Suno kay Atty Yulo, nangaggwa ang mga piste sa pananom matapos ang malawig nga panahon sang tig-ilinit.
Gina-encourage sang Kongresista ang pagdeklarar sang state of emergency agud maka-tap sang 5 percent disaster plan bangud indi na masarangan pa sang mga small planters ang pagtapna sang RSSI.
Nagapanawagan ini sa provincial government kaupod man ang Department of Agriculture (DA), Sugar Regulatory Administration (SRA) kag National Crop Protection Center (NCPC) sang makinarya sa pagpangita sang pamaagi kag mahatagan sang solusyon ang RSSI.
