Ginalantaw sang kilala nga political analyst nga maabot ang adlaw nga mapasar ang Anti- political dynasty bill matapos nga ginpanawagan ini sa ginpatigayon nga protest rally kahapon.
Sa interview sang Bombo Radyo Bacolod kay Atty Jomax Ortiz, nangin madinalag-on ang rally nga indi lamang sa Manila ginpatigayon.
Suno diri, maayo nga wala sang panawagan nga pahalinon ang presidente kag ang intensyon gid lamang sang rally amo ang panawagan sa transparency kag pagdula sang korapsyon.
Suno kay Ortiz, maayo nga ginpanawagan nga ipasar ang Anti- political dynasty bill nga para sa iya isa sa mga dako nga rason nga may yara sang korapsyon.
Mahibaluan nga ang Anti- political dynasty bill yara na sa 1987 constitution apang tubtob sa karun wala pa gid mapasar.
Pahayag sini, dako ang iya pagpati nga matabo nga mapasar ini agud bisan papaano mapahagan-hagan ang korapsyon sa Pilipinas.
