Nag-abot na ang apat ka mga electric vehicle nga ginbakal sang Office of the Building Official sa ciudad sang Bacolod.
Ang OBO ang una nga nakapasa sa city government sang ila nga purchase oder sang nasambit nga salakyan.
Ini ang kabahin sagihapon sang energy efficient kag environ friendly nga operasyon sang Local Government Unit sang Bacolod City.
Madumduman nga may pulo ka electric vehicles ang nag-abot sa ciudad kag gin-turn over sa napulo man ka police stations sa ciudad.
Ang budget nga P14 million sa pagbakal sang nasambit nga electric vehicles ang nagikan sa City Mayors Office.
Apang ang budget naman sa pagbakal sa bag-ong abot nga e-vehicles para sa OBO ang ginpain mismo sang nasambit nga departamento.
Wala pa ang krisis sa gatong ang OBO ang nakadesisyon na nga magbakal sang e-vehicles kag sila man ang pinakauna nga magbakal sang nasambit nga eskwelahan.
Sa interview kay Bacolod City Secretary to the Mayor Atty. Marty Go, ang OBO palang ang una nga opisina sa ciudad ang nakabakal e-vehicle kag sila man ang una nga nakapasa sang purchase request.
Suno kay Go, may iban pa nga mga departamento sa Bacolod LGU ang natalana nga magabakal man sang kaangay nga salakyan gamit ang kaugalingon nga pondo.
Ang salakyan ang essential sa OBO bangud sila ang mga nagapang-inspection sa mga buildings kag establisments sa ciudad.
Sa karun ang ginagamit sang ciudad ang fuel dependent nga mga salakyan gani kun maalangan sa fuel kun kaisa nagakadelay ang lakat sang OBO personnel apang kun e-vehicles makalakat sila gilayon.
Suno kay Go, tsekyaron pa sini sa purchase request kun pila ang pondo nga gingamit sang OBO sa pagbakal sang nasambit nga salakyan.
