BACOLOD CITY– Magluwas sa mga pamilya nga nag-evacuate sa banwa sang Binalbagan bangud sang pagbaha tuga sang madamol nga ulan may pila man ka pamilya nga naapektuhan sa banwa sang Moises Padilla kag ciudad sang Bago.
Suno kay Dr. Zeaphard Gerhart Caelian, head sang Provincial Disaster Management Program Division (PDMPD) may 11 na lang ka pamilya nga nabilin sa evacuation center sa Brgy. San Teodoro sa Binalbagan gikan sa masobra sa 100 ka households nga nag-evacuate bangud sang pagbinaha kahapon.
Samtang sa banwa sang Moises Padilla may isa man ka pamilya gikan sa Kaburutan Creek, Brgy. 7 Poblacion nga nag-evacuate sa farmers center matapos ginbaha.
May yara man sang pananom nga naapektuhan sa diin nagdangat na sa P220,686.00 ang kahalitan.
Suno pa kay Dr. Caelian, may 4 man ka balay nga ginguba sang mabaskog nga hangin ukon buhawi sa Purok Balinghoy, Brgy. Busay sa ciudad sang Bago.
Apang nahatagan naman sang bulig ang mga ini sang Local Disaster Risk Reduction and Management Office kag yara karun nagatiner sa evacuation center.
