Apat tanan ka volcanic earthquakes ang nabatyagan sa bulkan Kanlaon sa sulod sang 24 ka oras humalin alas- 12:00 sang kaagahon sang kahapon tubtob alas- 12:00 kaina sang kaagahon.
Santo sa monitoring sang Philippine Institute of Volcanology and Seismology (PHIVOLCS), nagdagat sa kapin sa 3189 tonnes/day ang narekord nga gas emission.
Padayon sa gihapon nga ginapahalong ang publiko samtang nagapabilin sa Alert Level 2 ang bulkan, kasubong man nga wala sa gihapon ginapahanugotan ang pagsulod sa 4 kilometer radius Permanent Danger Zone agud mapanubo ang risgo sang volcanic hazards kaangay sang paglupok sang steam ukon phreatic explosions.
Ginapahalong man ang mga nagapuyo malapit sa southern kag western slopes ilabi na ang nag-eksperyensya sadto sang lahar kag muddy streamflows.
Sa karun, padayon sa gihapon ang close monitoring sang PHIVOLCS sa status sang bulkan.
