Ginahulat pa sang mga jeepney drivers kag operators sa Negros Occidental kun pila ang ipasaka sa plete.
Sa interview sang Bombo Radyo Bacolod kay Jun Jun Asis, Secretary General sang Samahan ng mga Tsuper at Operators Negros (SSTONE), maestorya pa sila kay Land Transportation Franchising and Regulatory Board (LTFRB) Region 6 Director Richard Osmeña kun pila gid ang ipasaka.
Suno kay Asis, luyag nila mahibaluan kun pila ang ipasaka sa pletehan, bangud kun magsaka ang pamasahe ang pasahero naman ang maagunto.
Suno diri indi solusyon ang pagpasaka sa plete sa nagasaka nga presyo sang produktong petrolyo bangud sa madason nga semana masaka sa gihapon ang presyo sang gatong.
Sa karun ginahulat nila ang fare matrix sa bag-o nga pletehan sang mga jeep.
