Ginhatagan sang Carson City sang California ang Filipino-American rapper nga si Apl.de.Ap sang ceremonial key sa ciudad sa pag-kick off sang Filipino American History Month.
Nagapati ang city council nga ang multi-awarded musician kag philanthropist kag ang grupo sini nga Black Eyed Peas ang nangin model sang komunidad ilabi na sa mga Pilipino nga residente sa lugar.
Gindayaw ni Carson Mayor Lula Davis-Holmes ang rapper nga si Allan Pineda ukon mas kilala bilang Apl.de.Ap nga isa ka matuod nga ehemplo sa mga tawo para maghimo sang insakto.
Nakaligad nga Hunyo nagserbe si Apl bilang grand marshal kag nagperform sa annual Philippine Independence Day Celebration, nga isa sa largest kag longest-running Kalayaan celebrations sa rehiyon.
Suno sa Pampanga-born artist ini na ang ikaduha nga kahigayunan nga nabaton sini ang yabi sa ciudad, kun sa diin ang una amo ang sa ciudad sang Manila.
Samtang, may yara sang mga festivities kag activities para sa pagselebrar sang Filipino pride nga na-set nga patigayunon subong nga bulan para sa Fil-Am History Month.
