Pila ka Local Government Units sa probinsya sang Negros Occidental ang nag-eksperyesnya sang ashfall kasunod sa paglupok sang bulkan Kanlaon kahapon.
Suno sa Philippine Institute of Volcanology and Seismology (PHIVOLCS) nagluntad ang moderate exlposive eruption kahapon alas- 4:38 sang hapon.
Santo sa rekord sang Negros Occidental Provincial Disaster Risk Reduction and Management Office may nagluntad nga light ashfall kag sulfuric smell sa ciudad sang La Carlota sa Barangay San Miguel, Ara-al, Cubay, Nagasi, kag La Granja; sa banwa sang Moises Padilla may sulfuric smell sa Brgy Odiang; sa banwa sang Hinigaran may light ashfall sa Brgy Miranda, Gargato, 1, 2, 3, 4, Anahaw, Cambaog; sa ciudad sang Bago may light ashfall kag sulfuric smell sa Brgy Ilijan, Mailum, kag Binubuhan; kag banwa sang Pontevedra may light ashfall sa Brgy Zamora, Gomez, Mabini, Burgos, Rizal, Canroma, kag moderate ashfall sa Antipolo kag Cambarus; kag banwa sang La Castellana nga may light ashfallsa Brgy Sag-Ang.
Nagpadala sang duha ka water tanker ang PDRRMO sa La Carlota City kasubong man nga nagpadala sang firetruck ang banwa sang Pontevedra.
