Apo nga nagbuno-patay sa iya nga lola sa Brgy Pahanocoy, Bacolod City, mangatubang sang kaso nga parricide

Magapangatubang sang kaso nga Parricide ang apo nga nagbuno sang iya kaugalingon nga Lola sa SP Village, Barangay Pahanocoy, ciudad sang Bacolod sang Domingo sang aga, Pebrero 23.

Sa interview sang Bombo Radyo Bacolod kay Bacolod Police Station 8 Commander Police Captain Greeky Cayao, nagpadulong ang amay sang suspek nga si Jerian Araiz sa police station agud nga lantawon ang kondisyon sang iya anak.

Suno kay Cayao may ginpakita man ang amay nga medical documents nga nagakumpirmar nga may yara sang deperensya sa paminsaron ang bata.

Wala naman ang mga ini sang impormasyon kun masami nagailinaway ang nasambit nga pamilya.

Ang tiyo sang suspek ang nagpasaka sang kaso kag ang utod sang biktima ang magaserbe nga witness.