Gin-defer ang appointment nanday Atty. Mark Mayo bilang Bacolod City Administrator kag Atty. Karol Joseph Chiu bilang Bacolod City Legal Officer sa ginpatigayon nga una nga regular session sang 12th Council sang Sangguniang Panlungsod kahapon.
Sa pahayag ni Councilor Al Victor Espino, floor leader sang 12th Council kag Chairperson sang Committee on Laws, Ordinances kag Good Governance nga tradition na nga wala gin-concur ang City Administrator sa pareho nga adlaw magluwas nalang kun may yara sang request of urgency nagikan sa Chief Executive.
Suno kay Espino, ang pag-concur sang City Administrator ang masami ginatalakay matapos ang una nga regular session sang Sangguniang Panlungsod.
Suno diri, may yara sang pila ka concerns ang Committee on Markets and Slaughterhouse kay appointed City Administrator Atty. Mark Mayo kun sa diin may mga pamangkot nga kinahanglan patigayunan sang executive session.
Ini agud nga matalakay ang mga importante nga mga butang kaupod ang Committee on Markets.
Dugang pa sa masunod nga session idungan nalang nila sa mga talakayon ang appointment nanday Atty. Mark Mayo bilang Bacolod City Administrator kag Atty. Karol Joseph Chiu bilang Bacolod City Legal Officer.
