Daog ang Argentina kag Austria para sa Group J sang FIFA World Cup 2026 subong nga adlaw.
Nangin masadya ang hampang sa Group J sa tunga sang Argentina kag Algeria nga nagtakop sa score nga 3-0.
Tanan nga puntos ang ginhimo ni Argentine captain Lionel Messi sa ika-17, 60, kag 76 minutos sang hampang.
Bangod sa hat trick ukon paghimo sang tatlo ka puntos sa isa lamang ka game, nga tumalagsahon lang kun matabo, nahimo na nga mapatas ni Messi ang all-time leading scorer sa history sang Men’s World Cup nga si Miroslav Klose sang Germany, nga nakapasulod sang kabug-usan nga 16 ka goals.
Samtang sa kaangay nga group, daog naman ang Austria batok sa Jordan sa score nga 3-0.
Ang una nga puntos ang napasulod ni Romano Schmid sa ika-21 minutos sang hampang.
Sa 2nd half, nakabawi ang Jordan paagi kay Ali Olwan nag nakagoal sa ila-50 minutos.
Apang sa ika-76 minutos si Yazan Al-Arab sang Jordan ang nakakomiter sang own goal nga naghatag sang ikaduha nga puntos para sa Austria.
Ang ikatatlo nga puntos ang nahimo ni Marko Arnautovic paagi sa penalty shot sa 12 minutes extention antes magtakop ang hampang.
