Sulod na sa quarter finals sang FIFA World Cup 2026 ang Argentina matapos ang kadalag-an batok sa Egypt, sa final score nga 3-2, sa Round of 16 match.
Halos mataktak na sa torneo ang defending champion bangud nanguna ang Egypt sa hampang nga nakaduha na ka puntos sa bulig ni Mostafa Zizo kag Yasser Ibrahim apang nagpaninguha ang Argentina agud sulion ang resulta sang match.
Nabalanse sang Argentina ang score sa 2-2 humalin sa 2-0 matapos nakapuntos si Cristian Romero sa ika-79 minutos sang hampang, antes nagdugang si Lionel Messi sa ika-83 minutos.
Ginselyohan ni Enzo Fernandez ang late-game victory sang Argentina matapos maka-score sa stoppage time (90+3 minutes).
Naka-record naman si Enzo Fernandez sang iya ika-3,000 nga goal sa maragtas sang FIFA World Cup.
Samtang, nagapanguna naman si Messi sa golden boot race nga may walo na ka puntos sa sulod lamang sang lima ka games humalin sa group stage tubtob sa round of 16 match sang FIFA World Cup 2026 kag ginasundan ini ni Erling Haaland sang Norway kag ni Kylian Mbappe sang France nga lunsay may tig-pito ka puntos.
