Tuman ang kalipay sang mga Espanyol matapos nakuha sang Spain ang FIFA World Cup 2026 title batok sa nakaligad nga champion nga Argentina.
Ang hampang ang nagtakop sa 1-0, matapos sang ginhatag nga time-extension.
Ang duha ka team ang parehas nga wala naka-goal sa bilog nga 90-minutes game, gani ginhatagan sang time-extension tubtob nga nakapasulod sang goal si Ferran Torres sa ika-106 minutos sang hampang.
Sa interview sang Bombo Radyo Bacolod kay John Mark Deles, Bombo International News Correspondent derekta sa Spain, nagtutok gid ang kadam-an nga mga Espanyol sa hampang.
Kun sa diin bisan sa diin lamang nga lugar, lakip na sa mga pubs kag restaurant, may-ara sang mga live screen nga nagapagwa sang FIFA World Cup 2026 Finals.
Tuman naman ka gahod sang palibot matapos magdaog ang Spain kun sa diin naghinugyaw ang mga pumuluyo, may-ara sang nagagamit sang torotot, kag may-ara man sang nagapabusina sang salakyan.
Suno kay Deles, wala nagsirado ang ginatrabahuan sini nga restaurant apisar nga tungang gab-i na bangod sila ang nagpagwa man sang game.
Dugang pa nga madamo sa mga Espanyol ang nagselebrar matapos sang hampang, nga pabor man sa mga restaurant owners.
Suno kay Deles, ini ang tuman ka maragtason nga event bangod liwat nga nabawi sang Spain ang World Cup Trophy makaligad sang 16 ka tuig.
Nahibaluan nga ang Spain man ang nagkampeon sa 2010 World Cup.
Ang Spain kag Argentina ang nag-atubangay man sang 1966 World Cup Finals, apang sila ang napierde sa score nga 2-1.
Ini ang makabig nga bawi sang Spain makaligad sang 60 ka tuig.
