Tuman ang kalipay sang nakakuha sang gold medal sa steeplechase 3000 meters sa Negros Island Region Athletics Association (NIRAA) Meet 2026.
Sa interview sang Bombo Radyo Bacolod kay Nobee June Casamayor, player sang Bayawan City, wala sini ginalauman nga makakuha sang bulawan nga medalya bangud aminado ini nga mga mabakod ang iya nga mga kasumpong.
Suno kay Casamayor, ito ang una nga kahigayunan nga makakuha siya sang gold sa sulod sang tatlo katuig sini nga paghampang.
Suno diri ang iya kadalag-an ang iya nga ginahalad sa banwa sang Bayawan, sa pamilya sini kag sa tanan nga nagbulig sa iya.
Tuman man ang kalipay sang iya mga ginikanan ilabi nagid sang iya nga iloy sang ginpahibalo sini nga nakadaog siya sang gold sa 3000 meters steeplechase.
Siya kag ang iya iloy ang nagtalangison bangud sa kalipay sa nakuha nga kadalag-an.
Aminado man ini nga nakulbaan siya bangud mahimo ini nga malab-ot sang iya nga kontra apang ginhimo niya ang tana nga masarangan agud nga makuha ang labing-una sini nga bulawan nga medalya kag matuman ang handum nga makahampang sa Palarong Pambansa.
