Ginaalegar ni former presidential spokesperson Harry Roque nga narelease na ang International Criminal Court (ICC) warrant of arrest batok kay Senator Bato dela Rosa.
Ginpahayag ni Roque ang impormasyon sa kaangay nga adlaw nga nagpasa ini sang isa ka sulat sa International Criminal Police Organization (Interpol) agud ireject ang request sang gobyerno sang Pilipinas para sa isa ka red notice batok sa iya.
Sa Facebook page ni Roque, ginsulat sini nga nakagwa na ang warrant of arrest ni Senator Bato kag ginpaandaman nga indi ini magpakidnap.
Dugang pa sini nga dapat manindugan ang Senador nga may kinamatarong ini nga mag-atubang anay sa isa ka korte sa Pilipinas.
Apang wala naman ginpakigbahin ni Roque kun ano ang source sang iya impormasyon ukon gin-eksplikar kun paano sini nahibaluan nga na-issue na ang nasambit nga warrant.
