Ginpahayag sang Former chief legal counsel ni former-president Rodrigo Duterte nga fake news ang nagalapta nga balita nga nag-issue ang International Criminal Court sang isa ka warrant of arrest batok sa anay presidente.
Sa intervew sang Bombo Radyo kay Atty Salvador Panelo, madugay na nga ginahambal nga lagson sang ICC ang anay presidente apang wala man sang may nag-abot.
Suno diri, indi matuod nga may gin-issue nga warrant of arrest ang ICC bangod wala sila sang jurisdiction nga magpagwa sang warrant of arrest kag ang gobyerno sang Pilipinas ang mapatuman sini.
Gin-athag sini nga mangin illegal ini bangod indi na miyembro sang ICC ang pungsod.
Kag ang argumento nga bisan nagwithdraw na ang Pilipinas apang naumpisahan na ang preliminary investigaton mahimo sa gihapon lagson si Duterte, suno kay Panelo, wala man sang imbestigasyon nga ginpatigayon.
Pasalig sini, wala sang plano ang anay presidente nga malagyo.
Pahayag ni Panelo, indi magbaton ang Pilipino nga hilabtan sang mga dumuluo ang legal nga sistema sang pungsod.
